- پێناسا به‌شى:
به‌شێ كارگێرى ياسا ل سالا (2019-2020) ل په‌يمانگه‌ها ته‌كنيكى يا تايبه‌ت رواندز لقێ زاخۆ هاته ڤه‌كرن، د ڤى به‌شى دا بابه‌تێن گرێدايى ب ياسايێ و كارگێريێ ڤه دهێن خۆاندن و ل دويڤ پێدڤيێن دادگه‌هێ و فه‌رمانگه‌هێن حكومى دهێن دانان، كادر و ماموستايێن ڤى به‌شى خودان باوه‌رنامێن ماسته‌ر و دكتورايێ نه د بياڤێ ياسا و كارگێرى دا.
- ئارمانج:
ئارمانجا به‌شى ئه‌وه، كو ببت به‌شه‌كێ كارا و پروڤێشنال د تايبه‌تمه‌نديا خوه دا، ژ لايه‌كێ دى ببت پره‌ك بۆ گه‌هشتنا ئارمانجێن جڤاكى و پركرنا پێدڤيێن كومه‌لگه‌هي يێن گرێدايى ب بابه‌تێ دادپه‌روه‌ريى و دادگه‌هى ڤه، و د هه‌مان ده‌م دا ده‌رچوويێ ڤى به‌شى ببن كه‌سێن كارا و چالاك د پێشڤه‌برنا جڤاكى دا و ب كۆاله‌تيه‌كا به‌رز پێدڤيێن بازارى پر بكت.
- په‌يام:
- به‌رهه‌ڤكرنا كادر و كه‌سێن خودان شيان ب ئاسته‌كێ به‌رز بۆ بجهـ ئينانا ڤه‌كولينێن تاوانى ئه‌وێن كو د چارچوڤێ دادگه‌هێ و ده‌زگه‌هێن حكۆمى و كه‌رتێ تايبه‌ت دهێن برێڤه‌برن.
- به‌رهه‌ڤكرنا ستاڤه‌كێ پروڤيشنال د بياڤێ نڤێسينا كۆنوسێن ياسايى يێن جوره و جور دا، وه‌ك كۆنووسا گرتنێ و لێگه‌ريانێ، كۆنووسا وه‌رگرتن ودانا پاره‌ى، و چه‌ند جوره‌كێن ديتر ژى.
- به‌رهه‌ڤكرنا شاره‌زايێن ياسايى كو رابن ب كارێ هاريكاريێ د نڤيسينگه‌هێن پارێزه‌ران دا و نڤيسينگه‌هێن راوژيكاريا ياسايى دا، كاركرن د يه‌كه‌يێن ياسايى دا ل هه‌موو ده‌زگه‌هێن حكومى و كه‌رتێ تايبه‌ت.
- كارێن گرێدايىى ب به‌شى ڤه:
ده‌رچويێ به‌شێ كارگێرى ياسا د گه‌له‌ك بياڤێن ياسايى دا كار دكت، ئه‌وێن د گوره‌پانا دادگه‌هـ و ده‌زگه‌هێن دادپه‌روه‌ريى و فه‌رمانگه‌هێن حكومى و نه حكومى دا بهێن ئه‌نجامدان، وه‌كو ل خوارێ ديار:
- كاركرن د بوارێ ڤه‌كۆلينێن تاوانى دا، ل بن چاڤدێريا دادوه‌رێ ڤه‌كۆلينێ.
- ديڤچوون و چاڤدێريكرنا پێرابوونێن ياسايى د فه‌رمانگه‌هێن دادى و ياسايى دا ل كه‌رتێ حكومى و تايبه‌ت دا.
- ب جهـ ئينانا كارێن كارگێرى ئه‌وێن پێدڤى د هه‌موو ده‌زگه‌هێن حكۆمى دا.
- نڤێسينا كۆنوسێن ياسايى يێن جوره و جور وه‌ك كۆنووسا گرتنێ و لێگه‌ريانێ و كۆنووسا وه‌رگرتن ودانا پاره‌ى هتد...
- رابوون ب كارێن ياسايى وه‌ك هاريكار د نڤێسينگه‌ها پاراێزه‌ران و كومپانيان و نڤێسينگه‌هێن راوێژكارێن ياسايى دا.
- باوه‌رنامه:
به‌ش باوه‌رناما ته‌كنيكى د كارگێريا ياسايێ دا پێشكێشى قۆتابى دكت.