بناڤێ خودایێ مەزن و دلۆڤان
پەیمانگەها تەکنیکى رواندز یا تایبەت لقێ زاخۆ، ل سالا (٢٠١٩) ژ لایێ کۆمپانیا شەهید یا پەروەردە و خواندنا بلند هاتیە ئاڤاکرن، ژ چوار بەشان پێک دهێت (کارگێرى یاسا، کارگێرى کار، زمانێ ئینگلیزى و ژمێریارى) . بزاڤ دهێت کرن پەیمانگەها مە کادرەک چالاک و کارا بەرهەم بینن، داکو بشێت خوە د مەیدانا کەرتێ تایبەت و یی حکۆمى دا ببینت. بەرهەمئینانا ڤى کاراکتەرى ژى نە ب ساناهی و هێسانە، بەلکو کار و ماندیبوونەک مەزن پێ دڤێت، هەم ژ لایێ ئەکادیمى، هەم ژى ژلایێ کارگێرى، ژ بەر هندی ئەم هەردەم هزر ل هندێ دکن کو باشترین مامۆستا و ئەکادمسیەنان بۆ قۆتابیان پەیدا بکن و ل پەیمانگەهێ دابمەزرینن. ژ بەر کو ئێک ژ مەرجێن سەرەکى یێن خواندنی هەبوونا ستافەکێ باش و تێرمەعریفەت و خودان سەربۆرە.
قۆتابى ل پەیمانگەها مە دو سالان دخوینن و دبن هەلگرێ باوەرنامەیا دبلۆمێ، ئەڤ دو سال ژى ب باشترین سیستەمێ خواندنێ، کو نها پرانیا وەلاتان ڤى پرۆگرامى پەیرەو دکن، کو ئەو ژى بۆلۆنا پرۆسێسە، ئەڤ پرۆگرام دهێلت قۆتابى رۆلێ سەرەکى بگێرت و وى چالاک دکت د بوارێ گەنگەشە، دیڤچوون، خوەئامادەکرن، باوەریبخوەبوون. ئەڤ شیان ژى د سبەرۆژێ دا بۆ قۆتابى دبت پالپشتەک مەزن و ب ساناهى دشێت دەرفەتا کارى ببینت. ژ بەر کو د ڤى سەردەمى دا شیان ژ بەرى هەرتشتى نە بۆ مەیدانا کارى و مارکتینگێ. وەك ديار حكومەت ژى داکوکیێ ل سەر شیانێن تاکەکەسى دکت و دەرفەت خوەشکریە کو کەرتێ تایبەت پێش بکەڤت و ببت هەفس و بەربارێ کەرتێ گشتى.
پەیمانگەها تەکنیکى رواندز یا تایبەت لقێ زاخۆ د ڤى تەمەنێ خوە یێ کۆرت دا شیایە چەندین دەستکەفتێن ئەکادیمى، کۆلتۆرى و چاندى ب دەستخوەڤە بینت. وەکى سیمنارێن ئەکادیمى، کونفرانس، دیدار، ورکشۆپ و خۆل و سمینار. وەک دیار دەزگەهەک چالاکە ل سەرانسەر ئیدارەیا سەربخوەیا زاخۆ. ئەڤە ژى بۆ ئارمانجێن سەرەکى یێن پەیمانگەهێ دزڤرت.