پەیمانگەھا تەكنیكی ڕواندز یا تایبەت – لقێ زاخۆ، ب دونیابینیەكا ڤەكری و ئاسوویەكێ روون ھاتیە دناڤا دونیایا كارێ دامەزراوەیێن ئەكادمی ل ھەرێما كوردستانێ ب بەرنامەیەكێ توكمە و ھەمەلایەن، ب رەنگەكێ وەسا كو بشێت خوە بكەتە دامەزراوەكا باوەرپێكری ب شێوازەكێ بەرزێ ئەكادمی ژپێخەمەت ھندێ كو كاریگەریەكا بەرچاڤ ھەبیت و جھێ خوە دناڤا كۆمەلگەھێ دا بكەت و ببت بەشەك ژ ھێزا بەرەڤ پێشڤەچوونا كۆمەلگەھێ برێكا وان پسپوریێن كار تێدا دكەت .
پەیمانگەھا مە بەشەكێ ڤێ كاریگەریێ وەسا دبینت، كادێ چەند دەرفەتا ھندێ رەخسینت بەرھەمێن خوە یێن زانستی بێخت ناڤ كومەل و بەرچاڤێن ڤەكۆلەر و بەردەستێن خواندەڤانان و ئورگانێن پسپوریێن پەیوەندیدار، ژبەرھندێ د نووكە دا پەیمانگەھا مە بەرنامەیەكێ ھەمەلایەن توكمە ھەیە، كو ژچەندین بواران ب كۆالیتیەك بەرز پێك دھێت، بەرھەم و چالاكیێن ئەكادمی یێن ستافێ پەیمانگەھێ ژ لایەكێ و بەرھەم و زانستیێن باوەر پێكری ژلایەكێ دیڤە چاپ و بەلاڤ دكەت .
ئەڤە ددەمەكێ دا یە ژبلی ھندێ كو پەیمانگەھا مە وەك دامەزراوەكا زانستی، د ھەولا ھندێ دایە ل پاشەرۆژێ ببیتە خودان بەلاڤووكەكا زانستی تایبەت كو گرێدای پەیمانگەھێ بیت مینا ( رۆژنامە و گۆڤار )، بەلێ ژبەر كو تەمەنێ پەیمانگەھا مە كورتە و ئەڤ پرۆسەیە پێدڤی ب ئامادەكاریێن زێدەترە، ژبەرھندێ تا نھا وەك پەیمانگەھ ئەم نەشیاینە ببینە خودان بەرھەمەكێ ھوسا یێ تایبەت كو ل ئاست خەون و دلخوازی و ستراتیژیا پەیمانگەھێ بیت .
ژبلی ڤێ چەندنێ ھەمیێ، مە وەك پەیمانگەھ لبەرە گۆڤارەكا وەرزی كو گرێدای بابەتێن ئەكادمی و ڕەۆشەنبیری بەلاڤ بكەین،بۆ ھندێ قۆتابی گرنگیێ ب شیانێن خوە بدەن و مفای ژ شیانێن خوە ببینن و بەھرەیا خوە برێكا نڤێسینا بابەت و گۆتاران نیشان بدەن، ھەردیسان مە چەندین پرۆژەیێن رەوشەنبیری و ئەكادمی بۆ پاشەرۆژێ كرینە د پلانا خوەدا ، بەردەوام كار لسەر دھێتە كرن .