پەیمانگەھا تەكنیكی ڕواندز یا تایبەت – لقێ زاخۆ، گرنگیەكا زێدە ب چەوانیا شێوازێ خواندنێ ددەت، ھەر ژبەر ڤێ مەبەستێ پێداگرییەكا بەرچاڤ لسەر وان لایەنان دكەت ئەڤێن دبنە ئەگەرێ ھندێ سیستەمەكێ خواندنێ یێ كۆالیتی بەرز بجھ دئینن، بۆ نموونە ھەر ژ دابینكرنا مامۆستا و كەرەستەیان بگرە تا دگەھیتە دابینكرنا جھەكێ گونجای بۆ خواندنێ، ل پەیمانگەھا تەكنیكی ڕواندز یا تایبەت لقێ زاخۆ، د بابەتان دا و د ماوێ خواندنێ دا تیشكێ دئێختە سەر چەوانی، شیان، نیخوازیێ، ب جورەكێ وەسا بشێن ئاستێ گەھاندن و وەرگرتنا زانیاریان لدەف قۆتابیان بگەھینن بلندترین ئاست .
كورسێن خواندنێ ب شێوازەكێ وەسا ھاتینە دارشتن، كو پێداچوون و چاڤدێری بەردەوام لسەر دھێتە كرن ژلایێ لژنە و بەشێن زانستی ڤە، بڤێ چەندێ ھەم مامۆستا و ھەم قوتابی نە چاردبن ھەولبدەن بگەھن باشترین ئاستێ فێربوونێ .
بنەمایێ ڤی جورە ھزركرنێ ئەوە، ل پەیمانگەھا مە خواندن نە بتنێ بۆ بدەستڤەئینانا باوەرنامێ یە، بەلكو بۆ بدەستڤەئینانا زانست و زانیاری و فێربوونێ یە.
بەشەكێ دی یێ گرنگ ژ بلند كرنا ئاستێ كۆالیتیێ و پشتراست بوون ژێ، گرێداییە ب رێكارێن مامۆستا و بەشێن زانستی ڤە، ژ ڕویێ پراكتیكی و ڕاسپاردنا قۆتابیان بۆ ئەنجامدانا سمینار و راپۆرتێن مەیدانی، بدیتنامە ئەڤ ڕەھەندە گەلەك كاریگەرە بۆ ھندێ كو زانستێ قۆتابیان وەرگرتنی بتنێ ل ئاستێ تیۆری دا نەمینیت، بەلكو فێری ھندێ ژی ببت كا چەوا ئەوی زانستی ڤەگوھێزت بۆ ژیواری و ژیواری پێ شرۆڤە بكت، ئەڤەژی ئێكە ژ وان بابەتێت ل پەیمانگەھا مە گەلەك گرنگی پێ دھێتە دان و ئامادەكاریێن باش بۆ دھێنە كرن.
لایەنەكێ دی یێ دلنیا جۆری و ھەولدان بۆ بلندكرنا ئاستێ چەوانیا خواندنێ گرێداییە ب نیكرنا (ئەپدەیت كرنا) مامۆستایان و ڕاسپاردنا وان ب ئەنجامدانا سمینارێن زانستی، بۆ ھندێ یە مامۆستا زانیاریێن خوە نوی بكەن و بابەتێت نوی لدەف خوە زێدە بكەن، بێگومانە ئەڤ شێوازێ فێركرنا قۆتابیان و چەوانیا خواندنێ ل پەیمانگەھا مە رەنگڤەدانا وێ دیار و ئاشكرایە، ھەردیسان ژلایێ دلنیا جۆری ڤە بێگومانە رێنمایێن وەزارەتا خواندنا بلند سەبارەت چالاكیێن زانستی ل پەیمانگەھا مە كار پێ دھێتەكرن و دھێنە بكارئینان .