یەكا گەشەپێدانا كاری (CDC) ڕوونکرن بۆ قوتابیان ل دۆر ڕۆل و ئەرکێن ڤێ یەکەیێ د ناڤا پەیمانگەهێ دا ئەنجامدا. (2026-01-14)

لژێر چاڤدیریا راگرێ پەیمانگەها ڕواندز یا تایبەت لقێ/ زاخۆ “م.هـ.ئومێد سگڤان احمد ” یەكا گەشەپێدانا كاری (CDC) ڕوونکرن بۆ قوتابیان ل دۆر ڕۆل و ئەرکێن ڤێ یەکەیێ د ناڤا پەیمانگەهێ دا ئەنجامدا. ئارمانجا یەكا CDC یا سەرەکی ئامادەکرنا قوتابیانە بۆ قۆناغا پشتی دەرچوونێ. تەوەرێن سەرەکی یێن ڤێ ڕوونکرنێ ئەڤ خالە بوون: ١. پرەک د ناڤبەرا زانست و کاریدا: یەكا CDC وەک ناڤەندەکا گرنگ کار دکەت بۆ گەهاندنا قوتابیان ب بازاڕێ کاری. ٢. پێشخستنا لێهاتیێن پیشەیی: قوتابی هاتنە ئاگەهدارکرن کو ئەڤ یەکەیە دێ خزمەتێن وەک: • نڤیسینا CV: فێرکرنا قوتابیان کا دێ چەوا ب شێوەیەکێ پیشەیی لێهاتیێن خۆ نیشان دەن. • تەکنیکێن چەڤپێکەفتنێ: ئامادەکرنا قوتابیان بۆ وێ چەندێ کا دێ چەوا د چاڤپێکەفتنێن کاریدا سەرکەفتنێ ئینن. • وۆرک شۆپێن پراکتیکی: ئەنجامدانا خولێن فێربوونێن كاری ٣. دابینکرنا دەلیڤەیێن مەشقێ : یەكا CDC کار دکەت بۆ پەیداکرنا هەماهەنگیێ دگەل کەرتێ تایبەت و گشتی، دا کو قوتابی بشێن ل هاڤینان یان ل دەمێ خاندنێ مەشقێن پراکتیکی ل کۆمپانیا ئەنجام بدەن، گرنگیا ڤێ پێنگاڤێ: ئەڤ کارە نیشانا گرنگیدانا ڕایەدارێن پەیمانگەهێ یە ب پاشەڕۆژا قوتابیان، دا کو دەرچوویێن پەیمانگەها ڕواندز ل زاخۆ، دەرچوویێن خودان ئەزموون و ئامادەبن بۆ کارکرنا ڕاستەوخۆ د ناڤ جڤاکی دا.