بناڤێ خودێ مەزن و دلوڤان

كوردستان بگشتی و دەڤەرا زاخۆ ب تایبەتی، پێدڤییەكا زوور ب پسپۆریێن پشکێن پەیمانگەها مە ھەیە كو ئەڤروکە پەیمانگەھا مە سالانە كۆمەلە گەنجێن خودان شیان پێشكێشی جڤاكی دكت، ئەڤە ژی ئێك ژ باشترین دەستكەفتا دھێتە ھژمارتن بۆ دەڤەرێ. ب مەبەستا بلندكرنا ئاستێ زانستی یێ خواندن و پەرەپێدانێ ب پرۆگرامێن خواندنێ، پەیمانگەھا مە كار دكت بۆ دروستكرنا پرەكا پەیوەندیێن نیڤدەولەتی ل گەل زانكۆیێن تەكنیكیێن ب ناڤ و دەنگ ل جیھانێ. ئەم زوور ب ڕژدی ھەوڵ ددەن كار لسەر شێوازێ فێربوونێ بكن، ھەتا ئەم بشێن ڕادێ فێربوونێ بگەھینن بلندترین ئاست، بۆ ئەڤێ مەبەستێ ژی، پەیمانگەھا مە مفایى ژ ھەموو بەرھەمێن سەردەمێ نووی و جیھانگیریبوونێ وەردگریت و ب ڕەوانگەیەكا زانستی یا ڕژد و کویر كار دكت بۆ گەھاندنا زانیارییان، ئەڤ چەندە ھەموو بۆ ھندێ یە دا بشێن ب رێكا پێگەھاندنا كەسەیەتیا پسپۆر و شیان و باوەربخوەبوون، ئومێدا وەلاتەكێ خودان سیستەم و پێشكەفتی و رووناكتر گەش بکین.