ئاهەنگا دەرچوویێن گەرێن ٤ و ٥ یێن پەیمانگەها تەکنیکی ڕواندز/لقێ زاخۆ (2025-12-07)

ئاهەنگا دەرچوویێن گەرێن ٤ و ٥ یێن پەیمانگەها تەکنیکی ڕواندز/لقێ زاخۆ ل ڕۆژا ئێكشەمبێ، ڕێکەفتی ٢٠٢٥/١٢/٧، پەیمانگەها تەکنیکی ڕواندز/لقێ زاخۆ ئاهەنگا دەرچوونێ یا گەرا ٤ و ٥ ب سەرکەفتیانە گێڕا، کو قۆناغەکا نوی یا زانستی ل دەڤەرێ دەستپێکر، و ئەڤ بۆنەیا زێڕین ب ئامادەبوونا کەسایەتیێن بلند و هێژا بڕێڤەچوو کو ژوانا بەرێز ” گوهدار شێخو ”سەرپەرشتێ ئیدارا سەربەخۆیا زاخۆ، سەرۆکێ بۆردێ دامەزراوەیا شەهید "د. محەمەد عەلی" ” پ.د. فرهاد حەمەد” ڕێڤەبەرێ گشتی یێ پەیمانگەهان و بەرێز ” حەکیم پیڕو ”نینەراتیا لقا ٨ یا پارتی دیموکراتی کوردستان ل زاخۆ، و ژمارەکا بەرپرسێن حکومی و حزبی، و بنەمالێن سەربلند یێن قوتابیان. ” م. هـ ئومێد سەگڤان ”ڕاگرێ پەیمانگەهێ، پەیڤا بخێرهاتنێ پێشکێشکر پیرۆزباهی و داخوازا سەرکەفتنەکا هەمیشەیی بۆ دەرچوویان خواست؛ پاشان، بەرێز ” گوهدار شێخو ” سەرپەرشتێ ئیدارا سەربەخۆیا زاخۆ پەیڤەک پێشکێشکر کو تێدا پیرۆزباهی ل ڤان باڵندەیێن نوی یێن ڤی وەلاتی کر و تەکەز کر ل سەر ڕۆلێ پەیمانگەهێ و ماندووبوونا ستاف و مامۆستایان و هیڤی خواست ببنە هێزا گوهۆڕینێ بۆ ئایندە،پاشتر، سەرۆکێ بۆردێ دامەزراوەیا شەهید "د. محەمەد عەلی" پیرۆزباهی ل دەرچوویان کر و سوپاسیەکا تایبەت ئاراستەی ستافێ پەیمانگەهێ کر. د دوماهیێ دا، ئاهەنگ ب چەند بڕگەیێن ڕێکخستی و پڕ ژ شادی و ب سەرکەفتیانە دگەل دابەشکرنا بروانامەیان ب دوماهی هات.رێژەیا دەرچوویێن گەرا 4 و 5 (352) دەرچووبوون هەروەسان ب ڤێ چەندێ، قۆناغەکا ژیانا خوە یا زانستی ب خەلاتکرن ڤە گرێدا و دەست ب سەرکێشیەکا نوی یا کار و پێشکەفتنێ کر.