د ڕێورەسمەك ژ هەژی دا ڕۆبین سپی ل بەر قوتابیێن پشکا پەرستاری قوناغا دووێ هاتنەکرن (2025-04-27)

ڕۆژا ئێکشەمبی ڕێکەفتی٢٧/ ٤/ ٢٠٢٥ ب بەرهه‌ڤوونا بەڕێزان سەروکێ بوردێ دامەزراوا شەهید “د.محمد علی”، رێڤەبەرێ گشتی یێ دامەزراوێ “د.فرهاد حمد”، م.هـ. “ئومێد سه‌گڤان” ڕاگرێ په‌یمانگه‌ها ته‌كنیكی ڕواندز یا تایبه‌ت / لقێ زاخۆ، سه‌رۆكێ سه‌ندیكا په‌رستاران، رێڤه‌به‌رێ گشتیێ ساخله‌میا زاخۆ، سه‌رۆك پشك و مامۆستا و قوتابی و ده‌یك و بابێن قوتابیان, په‌یمانگه‌ها ته‌كنیكی ڕواندز یا تایبه‌ت/ لقێ زاخۆ, مه‌راسیما(White coat ceremony)ل ژێر ناڤ ونیشانی “ لده‌ف مه‌ خه‌ونێن ته‌ دێ بن راستی “ سازكر. ل ده‌ستپێكێ خوله‌كه‌كێ بۆ رێزگرتن ل شه‌هیدان ڕاوه‌ستان. پاشان د. “محمد عه‌لی” سه‌رۆكێ بۆردی دامه‌زراوا شه‌هیدا د په‌یڤه‌كێ دا گوت: ئه‌ڤ ده‌مه‌ چ جاران دژیانا مه‌ و هه‌وه‌دا ناهێته‌ ژبیركرن, ئه‌م وه‌ك دامه‌زراوا شه‌هیدا داكو ڕۆلێ وه‌ دناڤ كومه‌لگه‌هێ و بازارێ كاری دا دیاربیت چ پێدڤی بیت دێ كه‌ین. د. “ئومێد سه‌گڤان” ڕاگرێ په‌یمانگه‌ها ته‌كنیكی ڕواندز یا تایبه‌ت لقێ زاخۆ گوت: بۆ ئێكه‌م جاره‌ ل ئیدارا سه‌ربه‌خویا زاخۆ، كومه‌كا په‌رستاران پێشكێشی بازارێ كاری دكه‌ین و خوه‌شحالین ئه‌ڤرو رێژه‌كا زور یا په‌رستاران ل پەیمانگه‌ها مه‌ ده‌ردچن. مامۆستا” حه‌مدیه‌‌ اسماعیل” سه‌رۆكا پشكا په‌رستاری گوت: شانازم كو دێ ئه‌ڤرو ل به‌رامبه‌ر هه‌وه‌ راوه‌ستم و و هوسا سه‌ربلند ب هه‌وه‌بۆ ئه‌و ده‌ستكه‌فتێن هه‌وه‌ د پیشه‌یا په‌رستاری دا بده‌ستخوه‌ڤه‌ ئیناین ئه‌و پیشه‌یا دلوڤانی و مه‌رداتی و دلوڤانی. پاشا هه‌ر ئێك ژ به‌رێزان سه‌رۆكێ سه‌ندیكا په‌رستاران و نوینه‌رێ خێزانێن قوتابیان په‌یڤه‌ك پێشكێشكرن و رۆلێ په‌یمانگه‌ها ڕواندز بلند نرخاندن. هه‌ر ده‌ئه‌ڤان ڕێوره‌سمان دا روبێن سپی لبه‌ر قوتبیان هاتنه‌ كرن دگه‌ل بهیستوكا نوژداری و به‌خشینا گولان. د ئه‌ڤان ده‌مێن كو نه‌هێن ژبیركرن دا قوتابیان چه‌ندین وێنێن جوان بۆ بیرهاتن گرتن و گه‌شتا وان یا دوسالێن پری زانست و زانین و كریاری ب جوانترین شێوه‌ ب دوماهیك هاتو ئێدی ئه‌و به‌رهه‌ڤن وه‌ك په‌رستار خزمه‌تا خه‌لك و جڤاكێ خوه‌ بكن.