دوه‌م ڤیستەڤالا پەرستاری ل قەزا باتیفا هاته‌ سازكرن (2025-05-12)

رۆژا دووشەمبی ڕێكه‌فتی ١٢/ ٥/ ٢٠٢، ل ژێر چاڤدێریا “م.هـ. ئومێد سه‌گڤان” ڕاگرێ په‌یمانگه‌ها ته‌كنیی ڕواندز یا تایبه‌ت لقێ زاخۆ و ب سه‌رپه‌رشتیا مامۆستا “ حه‌مدیه‌ اسماعیل” سه‌رۆك پشكا په‌رستاری، په‌یمانگه‌ها تەکنیکی ڕۆاندز یا تایبەت لقێ زاخۆ، بهەلکەفتا ڕۆژا جیهانی یا پەرستاران، ب به‌رهه‌ڤبوونا كه‌سایه‌تیێن حزبی و میری و كه‌رتێ ساخله‌می دووه‌مین ڤیستەڤالا پەرستاری ل ژێر دروشمێ ( هێزا سپی و دلۆڤانیێ) ب هەڤکاری دگەل قائیمقامیا قەزا باتیفا سازكر. د ئه‌ڤێ ڤیسته‌ڤالێ دا، قوتابیێن په‌رستاری ب رۆلێ په‌رستاران رابوون و پشكنینێن خوینێ و په‌ستانا خوینێ و دیاركرنا رێژا شه‌كرێ، بێبه‌رامبه‌ر بۆ خه‌لكێ ئه‌نجامدان. هه‌ردیسان هه‌وارهاتنێن ده‌ستپێكی بۆ وان شروڤه‌كرن، دگه‌ل دانا شیره‌تێن ساخله‌می.